.png)
عايز اشارك معاكم قصه صبر و نجاح و إرادة وعزيمة وإصرار وتحديات في الحياه انا حصل معايا حادثة قطار تسببت لي في بتر قدمين من تحت الركبة كنت فاقد الأمل اني اكمل حياتي وكنت في حالة نفسية صعبه جدا و كنت مدمر نفسيآ لاني فقدت الأمل اني اعيش وعملت اكتر من 3 عمليات تاني علشان رجلى تكون تخف كانت رجلى بتجيب في مده وصديد كنت بموت من الوجع والألم كنت ف حالة نفسية مدمرة وأخذت قرار قاطع اني اتقبل نفسي زي ما انا ولازم اغير حياتي واخطط من اول وجديد كنت الاول حاجه بتكل علي الله سبحانه وتعالى في كل حاجه بعملها في حياتي الصبر والقوه والنجاح في كل حاجه بعملها في يومي وإيه الحاجات اللي انا عملتها النهارده الصح وايه الحاجات الغلط ولو الله سبحانه وتعالى إداني يوم جديد فا اعملها تاني احسن من كده بقيت بإستمرار بتحرك اول خطوه في حياتي دخلت في مجال علم النفس والتنمية البشرية كنت كل يوم بقرأ كتير واثقف نفسي عن اليوم اللي قابلو وبتعلم من الحاجات انا قرأته كنت بفتش بدور وحبيت علم النفس وبقى حلمى اني احقق دبلومه في علم النفس واتحقق الحلم واخدتها دبلومه في علم النفس ومعتمده من الولايات المتحدة الامريكيه و حلمي التاني ادخل في مجالات الالعاب الرياضه كنت بدور علي الناس اللي هما اقوي ناس في مصر و شويه بتعلم منهم كان حلمي اني أحقق أربع بطولات كمال الاجسام والرفع الأثقال و السباحة والسباق بالكرسي المتحرك وبفضل الله سبحانه وتعالى حققت حلم حياتي حاصل علي بطولة تكريم كمال الاجسام الجمهورية فندق JEWEL /
حاصل علي شهادة cybrary
من الولايات المتحدة الأمريكية /
حاصل علي بطولة الجمهورية رفع الأثقال و بطولة كأس مصر الجمهورية للرفع الأثقال اللجنة البارالمبية المصرية /
حاصل علي بطولة السباحة الجمهورية في نادي Pegasus Dreamland Club /
حاصل علي بطولة جمهورية السباق/ بالكرسي المتحرك الجمهورية وحلمي الثالث اني اتعلم برمجة واتعلم الكمبيوتر والأمن المعلومات الحمد لله حققت حلمي علشان الاحلام هي بداية الأهداف الي طريق النجاح والكفاح
