.png)
انه في يوم الاربعاء الموافق 24/5/2023
اراد شابا يدعي
اسلام أن يخبر خطيبته ايمان مصطفي ب سر طالما كان يتمني اخبارها به واخبرنا أنه يحبها كثيرا اكثر من اي احدا فكتب لها : 20/5/2023
انا مطمن بوجودك .. عدى عليا اوقات كتير كنت بدور ع الحب ومش بلاقيه .. وكنت بشوف الناس اللى ترتبط واللى تتخطب واللى تتجوز وانا زى منا مستنى الفرصة المناسبة تجيلى وبرده مبتجيش .. قد ايه عدى عليا لحظات ضعف كتيرة اوى وكنت محتاج وجود حد معايا .. كنت محتاج كلمة او رد فعل كان ممكن يهون كتير من اوقاتى الصعبة .. كنت محتاجك انتى .. لقيت اجمل انسانة ف الدنيا ..احلى واطيب وارق واجن بنوتة .. انتى اللى كنت بدور عليها بكل صفاتها .. مش هلاقى ابدا احلى منك بشكلك وجمالك .. يكفينى لما بيصلك ببقى شايف الدنيا ازاى جميلة وازاى ممكن انسى اى حاجة ف عقلى الا انك معايا ..بحب عنيكى اوى وهى بتبصلى .. بحبها وهى مكسوفة لما اركز فيها .. وانتى تاخدى بالك وتبصى ف الارض .. عنيكى لوحدها ليها ابتسامة وليها ضحكة .. وانا بعشق ضحكة عنيكى .. عارفة بحب فيكى ايه كمان .. بحب ضحكتك .. الله عليكى لما بتضحكى .. الدنيا كلها بتنور .. تعرفى ان ليكى انواع مختلفة من الضحك .. اه والله مش بهزر .. بصى هقولك على كم ضحكة كده بحبهم فيكى .. لما بتضحكى علشان حاجة فرحتك او على نكتة او كلمة خليتك تضحكى .. ولما بتضحكى وقت مابتكونى بترخمى عليا .. وبعدين تبصيلى وتقوليلى متزعلش بقى انا برخم عليك .. ولما تضحكى وانتى بتتحايلى عليا عشان اعملك حاجة انتى عايزاها وتفضلى تزنى عليا عشان اعملهالك وف الاخر بضعف قصادك .. لما تضحكى ساعة كسوفك .. ايوة انا بحبك اوى لما تتكسفى وتضحكى .. ووشك يحمر كده من الكسوف .. يا الله على دى ضحكة .. وجودك نفسه ف حياتى ضحكة .. وعمرى ما اقدر اعيش من غيرك ضحكة أو لما تقولي تيييييب و اي يا ولا اي يا ولا و يا باااااااابي وكلام تاني كتير .. بحبك لما المسك وامسك ايديكى .. قد ايه حلو شعور الامان وانا ايدى ف ايديكى .. قد ايه بطمن واحنا سوا .. حتى انتى كمان بتحبى كده .. لما نقرب لبعض ونبقى متمسكين اوى ببعض .. ومش فارق معانا اى حاجة ولا فارق معانا الناس .. ومفيش حاجة تقدر تفرقنا عن بعض .. شعور غريب بالفرحة لما بضغط على ايدك بحنية .. وانتى تبقى مبسوطة ومكسوفة وتحسى بالرسالة اللى كل مضمونها ف كلمة واحدة (بحبك) .. بتوحشينى جدا ف كل وقت .. حتى وانا موجود معاكى والله بتوحشينى .. متعرفيش اد ايه ببقى مشتاقلك اوى لما مش بنكون سوا .. او لما بنكون سوا وتمشى عشان تروحى .. بحس إن روحى اتسحبت منى .. مع اني عارف ان هى دقايق وهكلمك تانى اطمن عليكى زى عادتنا بالظبط .. بس برده بتوحشينى .. اليوم اللى بيعدى عليا من غير ما اشوفك بيبقى من اصعب الايام عليا .. بس بشوفك قصادى ف كل حاجة .. ف رنات موبايلى .. وف صورتك اللى قصادى دايما ومطبوعة ف خيالى ومش مفرقانى .. بشوفك حتى ف ايديا لما بفتكر مسكت ايديكى ليها .. انتى معايا وقصادى ف كل لحظة .. وكل نفس خارج منى بينطق باسمك .. عارفة .. انتى شئ اساسى ف حياتى دلوقتى .. وجودك شئ مهم جدا .. وجودك شئ مكملنى .. ومش متخيل انى ممكن اعيش لحظة انتى مش موجودة فيها .. انا بعد كل الوقت اللى عشته وحيد لقيتك انتى تنورى حياتى .. ومش مستعد ابدا اسيبك تضيعى منى .. عارفة الطفل اللى بيفرح بدبدوب او لعبة بيحبها ومش ممكن يستغنى عنها .. اعتبرينى انا كده معاكى .. مش مستعد والله انى افرط فيكى ابدا .. او انى اصحى ف يوم متكونيش قصادى .. دا انتى موجودة كل ليلة ف احلامى .. بنام على صوتك واصحى برده عليه .. اوقاتى كلها انتى فيها .. انتى روحى .. ومفيش حد يقدر يعيش من غير روحه .. بصى .. انا بقى لا هقولك كلام متزوق ولا كلام اغانى ولا اشعار .. بس باختصار .. انتى كل حاجة بالنسبالى .. وانتى الامل اللى مخلينى عايش على الدنيا .. وزى ماقولتك انا لا عايز اعيش من غيرك ولا مستعد اصلا لكده .. ولو عليا .. انا هحطك ف عنيا .. وهخبيكى من كل الناس .. ايوة اصل انا بخاف عليكى اوى ومش عايز بردوا اتحسد عليكى .. اصل انا كنت دايما اقول يابخت اللى هتبقى من نصيبه .. وانتى دلوقتى الحمد لله نصيبى .. يبقى يابختى انا بيكى .. ومش هتكونى غير ليا ان شاءالله .. ومستعد اعمل اى حاجة عشان تكونى من نصيبى وتبقى حلالى .. واشوفك قدامى بفستانك الابيض .. اللى انا مش متخيل ازاى اليوم ده ممكن يجى .. ويبقى كل الوقت اللى انا مستنيه خلاص بيتحقق قدام عينى .. ربنا يخليكى ليا ويجمعنى بيكى على خير دايما .. بحبك يا احلى واجمل حاجة حصلتلى ف الدنيا كلها .. بحبك اوى يا ايمان ( انا مليش غيرك لانك انتي اجمل عوض في حياتي كلها ) بحبك يا ايمان
